JuLeiCa wukubłanje

Serbske wukubłanje z certifikatom

Dekanatne dušepastyrstwo za dźěći a młodźinu poskiča takmjenowane JuLeiCa - wukubłanje (= Jugendleiter Card). Tute wukubłanje měri so na młodostnych wot 15 lět a na młodych dorosćenych, kotřiž su w młodźinskim dźěle aktiwni abo kiž chcyli so za młodźinu angažować. Runje tak je JuLeiCa zajimawa kwalifikacija za wšěch tamnych, kotřiž z młodymi ludźimi dźěłaja na přikład na nabožnym tydźenju.

Što z toho maš?

* Přidatnu kwalifikaciju a kompetency, kiž ći w dźěle z dźěćimi a młodostnymi pomhaja (methody z pedagogiki, skupinska dynamika, organizacija, prewencija, financowanje, prawo...)

* Certifikat prěnjeje pomocy, kotrež móžeš jako dopokaz za jězbnu šulu wužić

* Z JuLeiCa móžeš za tuńšu płaćiznu na přikład w młodownjach přenocować, do kina hić abo tež do kupjelow

* Rjadowak z jara dobrymi materialijemi a informacijemi k jednotliwym wobjednanym temam

* Wobkrućenje wobdźělenja na wukubłanju JuLeiCa je wulki plus při požadanjach wo dźěłowe-/studijne-/wukubłanske městno, a to we wšěch branšach

* JuLeiCa płaći po cyłej Němskej

Tole a hišće wjele wjac. Na kóždy pad maš rjany čas w zhromadnosći serbskeje skupiny ;)

Dalše informacije k JuLeiCa namakaš pod www.juleica.de