13. Februar 2026
| Judith Zschornak
Swójbne rituale w běhu lěta - čakamy na jutry!
Druhe zarjadowanje w tutym rjedźe budźe k temje “Čakamy na jutry” a to pjatk, 27.03.2026. Přizjewjenja přijimuja so hač do 25.03.2026.
Dekanatne dušepastyrstwo za dźěći přeprošuje w lěće 2026 na nowy rjad zarjadowanjow k temje “Swójbne rituale w běhu lěta”. Wotpowědnje počasam a cyrkwinskemu lětu maja so w krótkej formje małe impulsy za swójbne, nabožne žiwjenje sposrědkować. Přeprošeni su stajnje starši (mać abo nan) hromadźe z dźěćom w předšulskej starobje. Při małym přikusku zhonja starši někotre zajimawostki k temje. Potym sej hromadźe z dźěćom něšto napasla. Zarjadowanja wotměja so stajnje wot 15:30h do 17:00h w Don Boscowym domje we Worklecach.