Menü
Junges Bistum Dresden Meissen
06.05.2022 | 17:00 Uhr -
08.05.2022 | 20:00 Uhr

Jězba serbskich młodostnych na pasijón do Oberammergauwa

Wutrobnje přeprošamy was na jězbu serbskich młodostnych na swětoznate pasijónske předstajenje do Oberammergauwa (blisko Mnichowa) wot pjatka do njedźele, 6. do 8. meje 2022. Wotjědźemy pjatk nawječor. Jónkrótnje poskića so młodostnym ze wšeho swěta, sej tamnišu generalku wobhladać. Z tym maja młodostni wot 16 do 28 lět móžnosć, zastupny lisćik, kotryž hewak 150 eurow płaći, za 24 eurow dóstać. Po předstajenju změja samo składnosć, so z dźiwadźelnikami rozmołwjeć. Nimo toho postaraja so Oberammergaučenjo wo kwartěry a zastaranje za přihódnu płaćiznu. Zastup, zastaranje a nóclěh budźe něhdźe 70 eurow płaćić. K tomu přińdu kóšty za transfer. Dalše informacije su pod www.jugendtage-passionsspiele.de wozjewjene.

 

Přizjewjenja přijimuja so --> tule <-- hač do srjedy, 21.07.
Městna su wobmjezowane.