Stark-Mach-Tag
Dekanatne dušepastyrstwo za dźěći přeprošuje wšitke dźěći 1. - 6. lětnikow ze serbskich wosadow na zhromadny dźeń pod hesłom “Stark-Mach-Tag”.
Na jednore wašnje tematizuja so wšědne situacije dźěći - wot překročenja hranicow hač k seksualizowanej namocy - kotrež bychu dźěći dožiwić móhli. Přez zhromadnosć z druhimi, wjeselo při hraću a zaběru z wobsahami dnja skruća so dźěći w jich sebjewědomju a nawuknu wjele wo sebi, swójskich prawach a začućach.
W předpolu poskići so staršiski wječork k temje. Tak so tež starši za temu sensibilizuja a móža so doma hłubšo z dźěćimi wo wobsahach dnja rozmołwjeć.
Zarjadowanje poskići so na třoch wšelakich terminach a městnosćach; stajnje ze samsnym wobsahom. Wobdźělnje w druhej (nic domjacej) wosadźe je móžne. Sćěhowace dny so poskića: sobotu, 10.10.2026 w Njebjelčicach, 13.10.2026 w Ralbicach a 14.10.2026 w Radworju. Zhromadny dźeń zahaji so we 08:45 hodź. a skónči so w 15:00 hodź.