Menü
Bistum Dresden Meissen
03. März 2022 | Lucija Škodźina

Hromadźimy dale dary za ukrainskich ćěkancow

a podpěramy partnerske biskopstwo w Moldawiskej

Den Spendenaufruf in deutscher Sprache finden Sie unten als Download.

Biskop Heinrich Timmerevers přewza za našu pomocnu akciju patronat. Wjace wo tym čitaće tule. 

Dźakujemy so wutrobnje wšitkim darićelam, kotřiž su nam wutoru a srjedu telko darow do Wotrowa přiwjezli! Zapłać Bóh tón Knjez tež wšitkim pomocnikam, kiž su nam pomhali twory přiwzać, sortěrować a nakładneho awta spakować. Wšěm zapłać Bóh tón Knjez!

Dla naprašowanjow a dokelž je w nakładnym awće městno, chcemy hišće dale hromadźić.

Za koho?
Nakładne awto njepojědźe, kaž planowane do Pólskeje, ale do Moldawiskeje, dokelž tam twory nuznje trjebaja. Hromadźene dary dowjezu so, ručež staj kontejneraj we Wotrowje a Smochćicach napjelnjenaj přez Budyske Wenclec transportowe předewzaće do Moldawiskeje.

Hdy a hdźe so dale hromadźi?
-> srjedu a štwórtk, 16. a 17. měrca w šulskim času

Serbska wyša šula Worklecy / Sorbische Oberschule Räckelwitz
Šulska 3 / Schulstr. 3
01920 Worklecy / Räckelwitz

-> wšědnje (časy so hišće dodaja)

Kubłanisćo swjateho Bena / Bildungsgut Sankt Benno
Smochćicy 1 / Schmochtitz 1
02625 Budyšin / Bautzen

Kak?
Prosymy wo to, zo bychu ludźo swoje dary w stabilnych kartonkach w přijomnej wulkosći přiwjezli. Tute prošu nic zalěpić- tak zo hodźa so dary hnydom na městnje sortěrować. Štóž chce nam při tym pomhać, njech so rady přizjewi (0152 04399617).

Što?
Prošu přiwjezće jenož dary, kotrež namakaće tu na lisćinje! Tamne twory dyrbimy bohužel wotpokazać.

přikrywy a zawki
matracowy škit
płachty/ poćehnjenja za łoža
trěnja a lapki
(tež trjebane, ale płókane)


srědki přećiwo bolosćam (kaž ibuprofen, wězo nic wotběžane)
srědki za zastaranje za ranow
wobalenski material (bandažy, wobwjazki, plestre)
začinjene Kfz-Sani kašćiki

Hygieniske artikle:
zubne pasty
zubne šćětki
česaki
fejny
mydła
desinfekciske srědki
gel/mydło za dušowanje/ włosy
płokanske srědki
inkontinencny material za dorosćenych
tampony a zapołožki za slip

Za dźěći:
zubne pasty
pjelški we wšelakich wulkosćach
włóžne lapki
mlokowy pulwer za ćěšenki
hotowa jědź za dźěći w škleńčkach
bleški za ćěšenki
słódkosće a poprjančki (najlěpje bjez šokolody)

Zežiwidła:
nudle
rajs
konserwy z mjechkim sadom (mandariny, aprikosy, ...)
słódkosće a poprjančki (najlěpje bjez šokolody)
kakawo/ kofej/ čaj
pastety
marmelada

Njehromadźimy:
drastu, izomaty a druhe žiwidła (mlokowe produkty, sad, zelenina)

 

Takle móžeće hewak hišće pomhać:

Nóclěh

Štóž móže nóclěh za ukrainskich ćěkancow poskićeć, njech so na domjacej farje abo na tachanskej farje w Budyšinje přizjewi.

Pjenježne dary

Štóž chce pjenjezy darić móže akciju Towarstwa Cyrila a Metoda podpěrać.
Tute sposrědkuja so Cariće w Ełku. Ručež pak bychu ćěkancy do serbskich wosadow přišli, by so dźěl darjenych pjenjez za nich nałožił.

Konto TCM: Cyrill-Methodius-Verein e.V.,
IBAN: DE 65 750 90 300 000 828 23 66
hesło: „Ukraina“
Štóž sej darowansku kwitowanku
přeje, měł swoju adresu podać.

Modlitwa

Kóžda wosobinska modlitwa, modlitwa w swójbje abo zhromadna modlitwa (we wosadźe), kaž na přikład tule w Chrósćicach pomha!

 

Links

Downloads